Kim Jong-il
- Hau korear izena da, abizena Kim du.
Kim Jong-il (1941eko otsailaren 16a - 2011ko abenduaren 17a) Koreako Herri Errepublika Demokratikoko diktadorea izan zen; herrialde hartako de facto buruzagi gorena, haren aita Kim Il-sung hil zenetik.[1] Defentsa Batzordeko zuzendaria, Koreako Langileen Alderdiko idazkari nagusia eta Armadako komandante gorena ere zen. Buruzagi Maitea, Gure Aita, Jenerala eta Generalissimo tituluekin aipatua da bere agintepeko hedabide ofizialetan.[2] Kim Jong-ilen seme Kim Jong-un haren balizko ondorengo bilakatu zen.[3]
Bizitza
[aldatu | aldatu iturburu kodea]Alemaniako Errepublika Demokratikoko pilotu akademia batean eta Piongiangeko Kim Il Sung Unibertsitatean egin zituen ikasketak. Gero Koreako Langileen Alderdian sartu zen, eta aitaren idazkari gisa lanean hasi zen. 1967an aitari lagundu zion alderdian purga bat egiten, eta sei urte geroago, alderdiko propaganda saileko idazkari izendatu zuten. 1980ko Langileen Alderdiko Kongresuan, Kimek alderdiko buruzagitza lortu zuen, aitaren nortasunaren kultu estalinistari men eginez. Aitak bere oinordeko izendatu zuen. 1987an, Hego Koreako bidaiari hegazkin baten leherketan parte hartzea leporatu zioten (115 lagun hil ziren). Kim Jong Ilek bere aitaren kargu guztiak heredatu zituen hura hil baino bost egun lehenago, 1994ko uztailaren 8an. Haren agintaritzapean arrakastaz amaitu ziren Ipar Korearen programa nuklearrari buruzko negoziazioak Estatu Batuekin eta Koreako Errepublikarekin. 1996an, aitaren heriotzaren bigarren urteurrenean, herrialdeko buruzagi goren gisa aurkeztu zuten, eta 1997ko urrian, alderdiko idazkari nagusi hautatu zuen Langileen Alderdiak.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Why has the Bush administration lost interest in North Korea?. Slate.com 2007-12-24.
- ↑ http://www.imdb.com/title/tt0456012/
- ↑ «NKorea prints photos of heir apparent Kim Jong Un» AP News 2010-9-30.
![]() |
Wikimedia Commonsen badira fitxategi gehiago, gai hau dutenak: Kim Jong-il ![]() |
Aurrekoa Kim Il-sung |
Ipar Koreako Buruzagi Nagusia 1994 – 2011 |
Ondorengoa Kim Jong-un |
![]() |
Artikulu hau Ipar Koreako biografia baten zirriborroa da. Wikipedia lagun dezakezu edukia osatuz. |